Jump to content

Rasyo

Gikan sa Bikol Sentral na Wikipedia, an talingkas na ensiklopedya
An rasyo kan laba sa langkaw nin istandardong-depinisyong telebisyon

Sa matematika, an rasyo (Ingles: ratio; Espanyol: razón) iyo pagkukumpara nin duwang bilang na dapit sa pagkumpara kan halaga nin enot na bilang sa halaga kan ikaduwang bilang. Halimbawa, kun may walong aranghita asin anom na lemonsito sa sarong mangkok nin prutas, an rasyo kan aranghita sa lemonsito iyo walo sa anom (8:6 na parehas sa rasyo na 4:3). Huli kaini, an rasyo kan lemonsito sa aranghita iyo 6:8 (o 3:4) asin an rasyo kan aranghita sa kabilogang halaga kan prutas iyo 8:14 (o 4:7).

An mga bilang sa sarong rasyo iyo pupuwedeng magin dakol nin anumang klase, arug kan bilang nin tawo o bagay, o arug kan mga pagsukol nin laba, gabat, oras, asbp. Sa kadaklan nin konteksto, limitado an parehas na bilang sa pagigin positibo.