Lux

Lux

Enghraifft o:	uned ddeilliadol SI, uned oleuedd, System Ryngwladol o Unedau gydag enw arbennig, uned ddeilliadol UCUM
Dynodwyr
Freebase	/M/014fpz

Un o unedau deilliadol y System Ryngwladol o Unedau yw'r lux (symbol: lx), a ddefnyddir i fesur goleuedd, sef mesur o faint o olau sy'n goleuo arwynebedd.

Diffiniad

Mae 1 lux yn hafal i 1 lumen y metr sgwâr:

1 lx = 1 lm/m² = 1 cd·sr/m²

Esboniad

Y gwahaniaeth rhwng yr unedau lux a lumen yw bod lumen yn fesur o faint o olau sy'n cael ei allyrru o ffynhonnell, tra bo'r lux yn ystyried pa mor llachar y mae'r golau hwnnw'n ymddangos pan gaiff ei wasgaru dros arwynebedd. Po fwyaf yr arwynebedd y mae angen swm penodol o olau i'w oleuo, y pylach y mae'n ymddangos. Mae fflwcs o 1,000 lumen, wedi'i grynhoi i ardal o 1 m², yn goleuo'r ardal honno gyda goleuedd o 1,000 lux. Os, fodd bynnag, caiff yr un 1,000 lumen ei wasgaru dros dros 10 m², mae'n cynhyrchu goleuedd o 100 lux yn unig.

Yr enw

Mae'r gair yn deillio o'r gair Lladin am "golau", lux.