Val de la Mòrt
La val de la Mòrt (en anglés Death Valley) es una val del desèrt de Mojave (EUA) situada en Califòrnia e enclausa dins lo pargue nacional de la val de la Mòrt. S'agís d'un rift endoreïc de forma longa e orientat nòrd-sud. Son punt mai bas, Badwater, es, amb 85,5 mètres jol nivèl de la mar, lo punt mai bas dels Estats Units d'America. La temperatura mai nauta enregistrada sus Tèrra o foguèt lo 10 de julhet de 1913 a Furnace Creek amb 56,7 °C[1].
Geografia
[modificar | modificar lo còdi]
Localizacion
[modificar | modificar lo còdi]La val de la Mòrt se situa dins lo Sud-Oèst dels Estats Units d'America, dins lo Sud-Èst de la Califòrnia, en bordura miègjornala del Grand Bacin dels Estats Units d'America e a l'èst de la Sierra Nevada. S'espandís suls comtats d'Inyo e de San Bernardino, long de la frontièra amb Nevada.
Constituís una granda partida del pargue nacional de la val de la Mòrt e es la caracteristica màger de la resèrva de biosfèra dels desèrts de Mojave e de Colorado.