Pakanan mula sa itaas na kaliwa: Si Richard Nixon, Pangulo ng Estados Unidos, na nagpapakita ng V para sa Tagumpay matapos niyang magbitiw sa puwesto kasunod ng iskandalong Watergate noong 1974; Ang Estados Unidos ay patuloy pa ring sangkot sa Digmaang Biyetnam sa unang bahagi ng dekada. Naglabas ang The New York Times ng impormasyon tungkol sa pakikilahok ng bansa sa digmaan. Ang pampolitikang presyon ay nagdulot sa pag-urong ng Amerika mula sa digmaan noong 1973, at ang Pagbagsak ng Saigon noong 1975 ay nagbunsod ng paglilikas ng mga taga-Timog Biyetnam sa parehong taon; ang krisis sa langis noong 1973 ay nagdulot ng krisis pinansyal sa buong industriyalisadong mundo; nagkamayan ang mga lider ng Israel at Ehipto matapos lagdaan ang Kasunduang Kampo David noong 1978; noong 1971, nagsagawa ang Hukbong Sandatahan ng Pakistan ng henosidyo sa Bangladesh upang supilin ang kilusan para sa kalayaan sa Silangang Pakistan, na pumatay sa humigit-kumulang 300,000 hanggang 3,000,000 katao; nagbunsod ito sa Digmaang Pagpapalaya ng Bangladesh; ang Bagyong Bhola noong 1970 ay pumatay sa tinatayang 500,000 katao sa mataong rehiyon ng Ganges Delta sa Silangang Pakistan noong Nobyembre 1970, at ito ang naging pinakamamatay na natural na kalamidad sa loob ng 40 taon; ang Rebolusyong Iraniyano noong 1979 ay nagpatalsik kay Mohammad Reza Pahlavi na pinalitan ng isang teokrasiyang Islamiko sa pamumuno ni Ayatollah Khomeini; at tumaas ang kasikatan ng genre at subkulturang musika ng disco sa kalagitnaan hanggang huling bahagi ng dekada 1970.
