Mabindzu

Yindlu ya Mabindzu na vuxavisi ePaseo de la Reforma,etikweni ra Meksikho

Binzu (kumbe komponi) inhlangeletano lowu xavisaka tinhundzu kumbe mpahla na vukorhokeri eka Vaxavi. Mabindzu ma hlanganela eka mafambisele ya ikhonomi, naswona makumeka ngopfu ematikweni lama tirhisaka Ikhonomi ya VuKhapitali, laha makumekaka malawuriwa hi vanhu kungari mfumo, naswona ma xavisa nhundzu na vukorhokeri byokarhi eka Makete leswaku vakuma mali kumbe ku cincana nhundzu yo hambana leyi ngana nkoka woyelana wa ikhonomi. Binzu ringahava ropfuna naswona ririhava mbuyelo, kumbe riri Bindzu leri kongomisiwaka himfumo. Matiko yohambana-hambana matirhisa milawu yohambana, yo lawula mafambiselo ya mabindzu.

Xikongomelo xamabinzu, iku kurisa nxaviso na hakelo yatinhundzu kumbe vukorhokeri leswaku rikuma mbuyelo kumbe kubindzula.

Tinxakaxaka taMabindzu

Kuni tinxakaxaka ta mabindzu hikuya hi mafambisele ya tiko na ndhawu, kambe tinxaka leti tolovelekeke hileti:

• Bindzu ra munhu-un'we: Muxaka lowu wuthlela wutiveka hi Muxavisi un'we, naswona rina musunguri na n'wini un'we loyi a bindzulaka eka rona. N'wini wa bindzu anagha tirha ariswakwe, kumbe a thola vatirhi. N'wini wabindzu ubyarha vutihlamuleri hikwabyo mayelana na mbuyelo kumbe kulahlekeriwa eka bindzu rakwe
• Bindzu ra varingani: Bindzu leri rina vinyi vambirhi kumbe kutlula lava varikongomisaka. Eka tinxaka ta mabindzu ya varingani to tala, un'wana na un'wana wa varingani ubyarha vutihlamuleri lebyi yelanaka na mbuyelo wa yena.